"ЖЫЛДЫҢ ҮЗДІК ЖАС КӘСІПКЕРІ-2018"
Жеңісімді Ұстаздарыма арнаймын!))
толығырақ: https://aikyn.kz/2018/10/03/69315.html
Осыдан біраз күн бұрын Елорданың Астана EXPO аймағындағы Astana Hub ғимаратында 2018 жылдың үздік жас кәсіпкері анықталды. Салтанатты шара «Атамекен» Ұлттық кәсіпкерлер палатасының «Бизнестің жол картасы – 2020» бағдарламасы аясында республикалық деңгейде ұйымдастырылды.
Оған еліміздің барлық аймағынан іріктеліп шыққан 16-29 жас аралығындағы іскер жастар қатысып, бақтарын сынады. Сол додаға Жетісу жерінің атынан қатысқан жас кәсіпкер Бақтияр Бақыткелдіұлы үздік деп танылып, «Жылдың үздік кәсіпкері» аталымы бойынша І дәрежелі жүлдені иеленді. Бақтияр – SmartBook инновациялық білім беру платформасының авторы.
«Бұл жоба баспа өнімдерін жаңа технологиямен байланыстыруға бағытталған. Яғни, кітап, газет-журналдарға цифрлы қолданбалы әдістерді енгізу арқылы оларды әртүрлі форматта оқуға мүмкіндік жасайды. Сонымен бірге, аталған жоба еліміздің цифрландыру саясатына сәйкес, білім берудегі мәселелерді шешуге оң әсерін тигізеді» дейді Бақтияр Бақыткелдіұлы.
